Seyid Ramin

Bu dünyanın…

Elə görüm bu dünyanın,
Şamı yanıb, şama dönsün.
Can verəndə nəfəsinin
Küləyindən şamı sönsün.

Elə görüm ki, bu dünya,
Öz yoxluğunda var olsun.
Daim sükuta qərq olub,
Sükut səsindən kar olsun.

Görüm dünyanın başına,
Özü boyda bir daş düşsün.
Qədərində düşsün nə bərk,
Nə də yavaş-yavaş düşsün.

Dünya it gününə qalıb
İt kimi quyruq bulasın.
Qurdla qiyamətə qalıb
Qiyamətəcən ulasın.